ALTENBURGUM

ALTENBURGUM

urbs Germanica in Misnia, ad fluv. Pleiss. Ducum Sedes, ex Saxonica domo. Item, oppid. Hungariae inferioris permunitum prope Danubium, sub Austriacis. Owar Hungaris: Prior etiam Aldcburgum vocatur, ubi celebre Colloquium Theologorum habitum est A. C. 1568. in quo, praesidente Iohanne Wilhelmô Saxoniae Duce es familia Vinariensi, Wittenbergenses consensum inter Lutherum et Melanchthonem, in doctrina, vita et morte, fuisse docuêre; Flaciani contra, Iohannes nempe Wigandus, Ioh. Caelestinus, Irenaeus, Rosinus, Selneccerus, Kirchnerus, contenderunt, in doctrina Lutheri et Philippi dissensum esse, ac discrepantiam tantam quanta est inter aestatem et hiemem sunilitudo. Ita re infectâ discessum, vide Chytraeum in Saxon. ad A. C. 1568. Accepit hanc urbem Albertus Dux Saxoniae, cognomine Degener, dotis nomine, a Friderico II. Imperatore, cuius filiam Margaretam duxit: ex arce dein Altenburgica Conradus Kauffungus, Ernestum et Albertum, filios Friderici cognomine Placidi, A. C. 1455. noctu abduxit, conceptô in herum odiô, sed in silva a carbonariis captus, utrumque mox reddidit, et scelus suppliciô expiavit. Nactus est ditionem Altenburgicam, in divisione hereditatis Ioh. Wilhelmi, retro memorati, Fridericus Wilhelmus, eius maior natu fil. qui cum Ioh. Georgio Brandenburgico admotus tutelae Christiani II. administravit Electoratum, in Reformatos acer: Eô, inter alios, natus Fridericus wilhelmus, fratrum minimus, sed eorundem, et postea Ioh. Ernesti patruelis, ex parte haeres, auspiciis Electoris agnati, in Lusatiâ A. C. 1634. exercitum duxit; Pater ex Magdalena Sybilla agnata Friderici Wilhelmi. Vide Phil. Iac. spenerum Syll. Geneal. Histor.